१०० वर्षको उमेरसम्म पनि म्याराथन दौडिन जारी राखेका प्रसिद्ध धावकको सडक दुर्घटनामा मृत्यु

काठमाडौं । प्रसिद्ध धावक फौजा सिंहको ११४ वर्षको उमेरमा निधन भएको छ। उनका छोरा हरविन्दर सिंहले यो कुराको पुष्टि गरेका छन्।

परिवारका अनुसार फौजा सिंह दिउँसो ३ बजेतिर घरबाट निस्केर जालन्धर-पठानकोट राष्ट्रिय राजमार्गको अर्को छेउमा रहेको ढाबातिर जाँदै गर्दा जालन्धरबाट पठानकोट जाँदै गरेको गाडीले उनलाई ठक्कर दियो।उनले भने, “फौजा सिंहलाई अस्पतालमा भर्ना गरिएको थियो तर केही समयपछि उनको मृत्यु भयो।” १९११ मा जन्मिएका फौजा सिंहले दुई विश्वयुद्ध देखे र भारत-पाकिस्तान विभाजनको पीडा पनि भोगे।

२००४ मा फौजा सिंहले फुटबल आइकन डेभिड बेकह्याम र बक्सर मुहम्मद अलीसँगै एक अन्तर्राष्ट्रिय कम्पनीको विज्ञापनमा देखा पर्दा विश्वव्यापी ध्यान आकर्षित गरे।फौजा सिंहले सन् २००० मा ‘लन्डन म्याराथन’ मा दौडेका थिए। ८९ वर्ष पुग्नुभन्दा एक महिना अघि फौजा सिंहले ६ घण्टा ५४ मिनेटमा दौड पूरा गरे।उनले १०० वर्षको उमेरसम्म म्याराथन दौडिन जारी राखे र धेरै विश्व रेकर्डहरू कायम गरे।

गुगल प्लसमा राख्ने

चित्र खबर डट कम

चित्र खबर डट कम संसारको जुनसुकै कुनामा भएका बिभिन्न घटनाहरु, सुचना, जानकारी, मनोरन्जन, समाचार तथा विभिन्न रोचक र रमाइला खबरहरु पस्कने गर्ने वेवसाइट हो । विशेष गरि नेपाल र देश बिदेशमा समेत रहनु भएका नेपाली समुदायप्रति लक्षित रहेर हामी प्रस्तुत हुन्छौं ।