पनौतीमा चलचित्र साक्षरता कार्यक्रम, ३८० विद्यार्थीको सहभागिता

काठमाडौँ। काभ्रे इङ्लिस माध्यमिक विद्यालय, पनौतीमा चलचित्र साक्षरता कार्यक्रम सम्पन्न भएको छ। चलचित्रसम्बन्धी चेतना, जानकारी र बुझाइ विस्तार गर्ने उद्देश्यले आयोजना गरिएको कार्यक्रममा ३८० विद्यार्थीको सक्रिय सहभागिता रहेको आयोजकले जनाएका छन्।

चोया डिजिटल सोलुसनको आयोजना र सेलिब्रेटी नेपालको व्यवस्थापनमा सम्पन्न उक्त कार्यक्रम चलचित्र विकास बोर्ड र सञ्चार रजिष्ट्रारको कार्यालय, हेटौंडाको सहकार्यमा गरिएको हो।

कार्यक्रममा सहभागी विद्यार्थीहरूलाई चलचित्रको उत्पत्ति र इतिहास, निर्माण प्रक्रिया, सामाजिक प्रभाव तथा सिने साक्षरताको महत्वबारे जानकारी दिइयो। दृश्य–श्रव्य सामग्रीमार्फत प्रस्तुत गरिएको प्रशिक्षणले विद्यार्थीमा गहिरो चासो र जिज्ञासा जगाएको थियो।

आयोजक संस्थाका अनुसार यस्ता कार्यक्रमले युवा पुस्तामा सृजनात्मक सोच र विश्लेषण क्षमताको विकासमा सघाउ पुर्‍याउने अपेक्षा गरिएको छ।

गुगल प्लसमा राख्ने

चित्र खबर डट कम

चित्र खबर डट कम संसारको जुनसुकै कुनामा भएका बिभिन्न घटनाहरु, सुचना, जानकारी, मनोरन्जन, समाचार तथा विभिन्न रोचक र रमाइला खबरहरु पस्कने गर्ने वेवसाइट हो । विशेष गरि नेपाल र देश बिदेशमा समेत रहनु भएका नेपाली समुदायप्रति लक्षित रहेर हामी प्रस्तुत हुन्छौं ।