प्रदर्शनको क्रममा यहि कार्तिक ८ गतेबाट देशैभर प्रदर्शनमा आउने सिनेमा ‘पोई पर्यो काले’ ले सम्मानित सेन्सर बोर्डबाट युनिभर्सल सर्टिफिकेट पाएको छ । अब यस सिनेमा ‘पोई पर्यो काले’ लाई सबै वर्ग र सबै उमेरका दर्शकले हेर्न पाउने भएकाछन ।
मानिसको बाहिरी रुप हेरेर राम्रो नराम्रो भनिने गलत सोच राख्नु हुँदैन भन्ने सन्देश सिनेमाले बोकेको छ । मानिसको रुप भन्दा पनि मन सफा र गोरो हुनुपर्ने बिषयलाई उठाउन खोजेको सिनेमामा निर्देशक शिशिर राणाकै कथा रहेको छ ।
रेड बर्ड प्रोडक्शनको ब्यानरमा निर्माण भएको सिनेमामा पूजा र आकाश सँगै सौगात मल्ल,श्रृष्टी श्रेष्ठ, सोहित मानन्धर, राजाराम पौडेल , बिन्दा खातियोडा लगायतको मुख्य भूमिका रहेको छ ।सिनेमामा नायिका पूजा शर्मा र नायक सौगात मल्लको वरिपरी घुमेको छ । सिनेमाको केही दिन अघी सार्वजनिक भएको ट्रेलरले दर्शकलाई उत्सकुता पैदा गरेको छ । तिहारको समयमासिनेमा हेरेर दर्शकले मनोरञ्जन लिने कुरामा यसको निर्माणपक्ष विश्वस्त देखिएको छ ।
किरण नेपाली प्रस्तुतकर्ता रहेको सिनेमामा दिपक मनाङ्गे र सरोज नेपाली निर्माताको रुपमा छन् भने अमलादेवी राई कार्यकारी निर्माताको रुपमा छिन् । शिव ढकालको छायांकन रहेको सिनेमामा अर्जुन पोखरेल र पुरुषोत्तम न्यौपानेको संगीत, रामजी लामिछाने र कमल राइको कोरियोग्राफी रहेको छ ।
चित्र खबर डट कम संसारको जुनसुकै कुनामा भएका बिभिन्न घटनाहरु, सुचना, जानकारी, मनोरन्जन, समाचार तथा विभिन्न रोचक र रमाइला खबरहरु पस्कने गर्ने वेवसाइट हो । विशेष गरि नेपाल र देश बिदेशमा समेत रहनु भएका नेपाली समुदायप्रति लक्षित रहेर हामी प्रस्तुत हुन्छौं ।
0 comments:
Post a Comment