श्रीकृष्णको जन्मदिनमा, भाबुक हुदै स्वेताले यसरी सम्झिन् (भिडियो सहित)

काठमाडौं । नायक श्रीकृष्ण श्रेष्ठको जन्मदिनमा नायिक स्वेता खड्काले स्वर्गीय पति श्रीकृष्णलाई सम्झिएकी छन् । स्वेताले भावुक हुँदै शुक्रबार सामाजिक सञ्जाल (फेसबुकमा र युटुव)मा मनछुने सन्देश र भिडियो राखेकी छन् ।

विवाह भएको एक महिनामै स्वार्गारोहण भएका श्रीकृष्णका लागि श्वेताले लेखेकी छन्– ‘हजुर मेरो मन र मष्तिस्कमा जिवित र सजिव हुनुहुन्छ ।’ उनले भनेकी छिन् ‘तिमीलाई सम्झन मसँग कुनै शब्दहरुनै छैनन् । हुनत टाढा भए पो सम्झना आउथ्यो होला । तिमी त हरफ म सँगै छै । मैले फेर्ने हर सास अनी ढुढुकीमा तिमीलाई नै अनुभव गरिहरन्छु ।’

यस्तो छ सन्देशः

मृत्युको दिनभन्दा जन्म दिन महत्वपुर्ण हो । जन्म ले हाँसो फुटाउँछ अनि मृत्युले रोदन छुटाउँछ । मलाई त्यही रोदनको पल भन्दा हाँसोको पल प्यारो छ । किनकी आजकै दिन हजुर जन्मनु भएको थियो, मेरै लागि । हजुरले मेरो सिउँदो भर्नु भयो अनि रङ्गिन भविष्यको सपना देखाउनु भयो । म त्यही सपनाको रङ्गमा रङ्गिए म त्यही सपनाको रङ्गमा रङ्गिएर जिन्दगीको यात्रामा हजुरसँगै समाहित भएँ । हामी दुबै छोटो समयकै लागी सही । सँगै हिंड्यौ । जिवनको त्यो यात्रामा हजुरले मलाई कैयन खुसीहरु दिनुभयो ।

बिर्सनै नसक्ने करोडौ मिठा यादहरु अनि आँट, शाहस र हिम्मत दिनुभयो । साँच्चै हजुरले दिएका ति अविस्मरणिय पलहरुले जिन्दगीको अन्तहिन यो यात्रामा निरन्तर अगाडी बढ्नको लागी मलाई हौस्याई रहेका छन । भन्नेहरु त भन्ने गर्छन कि तपाई सदासदाको लागी बिलाउनु भयो भनेर । तर मलाई हजुर म बाट बिलाएको भान हुँदैन । हजुर त मेरै मन र मस्तिस्कमा जिवित र सजिव हुनुहुन्छ । मैले बोल्ने हरेक शब्द अनि मैले हेर्ने हरेक दृश्यहरुमा केवल हजुर नै हुनुहुन्छ । हजुर हुनुहुन्छ र त म छु । हजुरको हरेक जन्म अनि हरेक जुनी मेरै लागी हुनेछ । आजकै दिन मेरा लागि यो धर्तिमा पाइला टेक्नु भएको तपाईलाई जन्म दिनको यो पावन अवसरमा करोडौ शुभकामना

उही हजुरकी कोहिनूर र कान्छी

श्रीकृष्णको लागि स्वतेलाले राखेको भिडियो हेर्नुहोस

गुगल प्लसमा राख्ने

चित्र खबर डट कम

चित्र खबर डट कम संसारको जुनसुकै कुनामा भएका बिभिन्न घटनाहरु, सुचना, जानकारी, मनोरन्जन, समाचार तथा विभिन्न रोचक र रमाइला खबरहरु पस्कने गर्ने वेवसाइट हो । विशेष गरि नेपाल र देश बिदेशमा समेत रहनु भएका नेपाली समुदायप्रति लक्षित रहेर हामी प्रस्तुत हुन्छौं ।