निराजनसँग नीताको बेग्लै संसारको कल्पना

। पछिल्लो समय नेपाली गीत संगीत मेहनतका साथ तयार पार्न थालिएको छ । फिल्म होस् या आधुनिक गीतको भिडियोलाई दृश्यको हिसाबले पनि उत्कृष्ट बनाउन हर तरिका अपनाउने गरिएको छ । यस्तै मध्यको एक गीत हो ‘इन्द्रेणीको’ । पछिल्लो समयकी पपुलर गायिका मेलिना राईको स्वर रहेको यो गीतको भिडियोलाई उनकै च्यानल मार्फत रिलिज गरिएको छ । इन्द्रेणी एल्बममा समावेश यस गीतमा शब्द दियालो सुशन माँझीको रहेको छ भने यसलाई उत्तम जंग लिम्बुले संगीत भरेका छन् । शान थापा निर्देशित भिडियोमा निराजन प्रधान र नीता ढुंगानाको जोडी देखिएका छन् । भिडियोमा युवतीले कल्पना गर्ने मायाको संसारलाई देखाउने प्रयास गरिएको छ । कल्पनाको संसारमा प्रस्तुत हुँदा यस किसिमको ड्रेसमा निराजन र नीता प्रस्तुत भएका हुन् । राजिभ समरको कोरियोग्राफी रहेको गीतलाई अर्जुन तिवारी र टीमले खिचेका हुन् । मनोज जोशी प्रोडक्सन म्यानेगर रहेको यस गीतको भिडियो सम्पादन र कलर सुप्रिम पराजुलीको रहेको छ ।

गुगल प्लसमा राख्ने

चित्र खबर डट कम

चित्र खबर डट कम संसारको जुनसुकै कुनामा भएका बिभिन्न घटनाहरु, सुचना, जानकारी, मनोरन्जन, समाचार तथा विभिन्न रोचक र रमाइला खबरहरु पस्कने गर्ने वेवसाइट हो । विशेष गरि नेपाल र देश बिदेशमा समेत रहनु भएका नेपाली समुदायप्रति लक्षित रहेर हामी प्रस्तुत हुन्छौं ।