वास्तविक दर्शकमाझ पुग्दै फिल्म ‘माइतीघर’ / सुरु गर्‍यो राजमार्ग अभियान

काठमाण्डौ: छायांकन समय देखि नै चर्चामा रहेको फिल्म ‘माइतीघर’ ले आफ्नो  प्रचार प्रशारलाई  ब्यापकताले गर्न सुरु गरेको छ । अहिले नेपाली  चलचित्र नगरीमा प्रदर्शनको लागी तयार भएको नेपाली चलचित्रहरु बिशेष र खास दर्शकमाझ पुराउन निर्माता तथा निर्देशकहरु डिजिटल प्रमोसनमा मात्र ध्यान दिन्छन ,केहि चलेका मिडिया र अनलाईन प्रमोसन र रियालिटी शो मा कलाकार लगेर तालि र सिट्ठीमा रमाउने धेरै छन । बास्तविक दर्शकमाझ चलचित्रको प्रचार प्रशार कसरि गर्ने भनेर धेरै कमै मात्र निर्माता ,निर्देशकले जानेका छन । त्यस्तै मात्रको एक हुन् सफल निर्माता रोहित अधिकारी । 

उनले आगामी फूलपातीबाट प्रदर्शनमा आउने  फिल्म ‘माइतीघर’ को प्रचार बास्तविक दर्शकहरुलाई केन्द्रित गर्दै सुरु गरेका  छन । सिनेमा मार्केटिंगको राम्रो अन्दाज भएका निर्माता अधिकारीले व्यस्त अत्याधिक चाप हुने राजमार्ग जहाँ दैनिक लाखौ यात्रु आवत जावत गर्ने त्यस्तो ठाउँमा आफ्नो चलचित्रको होडिंग बोर्ड राखेर प्रचार सुरु गरेकाछन । चलचित्रको टिमले बिहिबार राजधानीबाट बाहिरिने प्रमुख नाका नौबिसेमा चलचित्रको २० बाई ५० फिटको फ्लेस्क पोस्टर  राखेको छ । "हामीले प्रतिस्पर्दा हैन वास्तविक दर्शकमाझ चलचित्रको प्रचार होस भनि देशैभर होड़ीण्ग बोर्ड राख्ने योजनामा अगाडी बढेकाछौ " वितरक  रिच इन्टरटेन्टमेन्टका लागी कारण श्रेष्ठले जानकारी दिनुभयो  । 

थप जानकारी दिंदै  चित्र खबर संगको कुराकानिमा निर्माता रोहित अधिकारीले भन्नुहुन्छ  "हामीले वास्तविक दर्शकहरुलाई टार्गेट गरेर चलचित्रको प्रचार सुरु गरेका छौ ,हामि हरेक तरिकाको प्रचार प्रशारलाई जोड दिनेछौ जस्ले गर्दा वास्तविक दर्शकमाझ हाम्रो चलचित्रको प्रचार होस"   । 

यो चलचित्र नेपाल संगै अस्ट्रेलियामा पनि एक साथ प्रदर्शनमा आउंदैछ । हिमारो ईन्टरटेन्टमेन्टले अस्ट्रेलिया एकाधिकार लिएको हो ।   रोहित अधिकारी फिल्मस्को ब्यानरमा मिलन तामाङ निर्देशित यो फिल्ममा केदार घिमिरे (माग्ने बुढा), धिरज मगर, प्रकाश सपुत, उपासना सिंह ठकुरी, श्यामाश्री शेर्पा, बुद्धि तामाङ, शिशिर वाङ्देल, युवराज लामा, पुश्कर गुरूङ, रजनी गुरूङ लगायत कलाकारहरूको अभिनय छ। निर्मातामा रविन शेरचन र धिरज तामाङ छन् भने कार्यकारी निर्माता ईश्वर श्रेष्ठ र निरज कटुवाल हुन्। 

चन्द्रबहादुर दोङको कथा, रामशरण पाठकको पटकथा र संवाद रहेको फिल्म सुसन प्रजापतिले छायांकन गरेका हुन्। फिल्म ‘माइतीघर’ दसैंको फूलपातीको दिन रिलिज हुनेछ।   

गुगल प्लसमा राख्ने

चित्र खबर डट कम

चित्र खबर डट कम संसारको जुनसुकै कुनामा भएका बिभिन्न घटनाहरु, सुचना, जानकारी, मनोरन्जन, समाचार तथा विभिन्न रोचक र रमाइला खबरहरु पस्कने गर्ने वेवसाइट हो । विशेष गरि नेपाल र देश बिदेशमा समेत रहनु भएका नेपाली समुदायप्रति लक्षित रहेर हामी प्रस्तुत हुन्छौं ।