अरबाज खानसँग डिभोर्सपछि माइतीमा मलाइका

एजेन्सी। बलिउड अभिनेत्री मलाइका अरोराले करिब दुई वर्षपछि पारिवारिक भेटघाटको कार्यक्रममा सहभागिता जनाएकी छन्। बलिउड अभिनेता सलमान खानका भाइ अरबाज खानसँगको सम्बन्ध विच्छेदपछि उनले खुलेर कुनै पनि पारिवारिक कार्यक्रममा सहभागिता जनाउन पाएकी थिइनन्। झन् पछि अर्जुन कपुरसँगको प्रेम चर्चाका कारण उनी पारिवारिक भेटघाटमा जान छाडेकी थिइन्। अन्तत: लामो समयपछि उनी माइत गएकी हुन्।


‘ओणम्’ नामक पर्व मनाउन आमाको निम्तोमा मलाइका माइत पुग्दा उनको स्वागतमा विशेष परिकार तयार पारिएको थियो। छोरीको सम्मानमा उनकी आमाले उप्पल, इनजी पुली, कनिमंगाअचर, मंगा अचर, वडुकापुली नारंगा अचार, चमनथी, मोरमुमुलाकु, काया वररथतुलगायत २५ व्यञ्जन तयार पार्न लगाएकी थिइन्।

सन् २००५ मै स्टार प्लस च्यानलको ‘नाच बलिए’ कार्यक्रममा निर्णायक रहिसकेकी मलाइका हाल सोनी च्यानलको इन्डियज बेस्ट डान्सर कार्यक्रममा निर्णायकको भूमिकामा छिन्।

गुगल प्लसमा राख्ने

चित्र खबर डट कम

चित्र खबर डट कम संसारको जुनसुकै कुनामा भएका बिभिन्न घटनाहरु, सुचना, जानकारी, मनोरन्जन, समाचार तथा विभिन्न रोचक र रमाइला खबरहरु पस्कने गर्ने वेवसाइट हो । विशेष गरि नेपाल र देश बिदेशमा समेत रहनु भएका नेपाली समुदायप्रति लक्षित रहेर हामी प्रस्तुत हुन्छौं ।